صحة

بوتوكس طبيعي: استخدمي مكون واحد هيساعدك تتخلصي من التجاعيد والهالات السودا والجلد الجاف

مع الوقت والتقدم في العمر بتبدأ البشرة تفقد مرونتها, وده بيأدي لجفاف الجلد, والتجاعيد, والهالات السودا حوالين العين, وفي الوقت اللي النظام الغذائي بيلعب دور مهم في مظهر البشرة, في كمان علاجات طبيعية ممكن تساعد على تحسين البشرة وعلاج التجاعيد, وواحد من العلاجات دي اللي هنعرفها النهاردة هو كريم بوتوكس طبيعي اللي هيساعدك في علاج كل المشاكل دي ويخلي بشرتك متوهجة ونضرة وصحية.

ليه تعتبر التجاعيد او شيخوخة الجلد علاجها مش سهل:

على الرغم انه يبان لنا كده ان افضل حل لعلاج التجاعيد هي تعويض الزيوت اللي فقدتها البشرة لكن الموضوع مش بالسهولة دي لان شيخوخة الجلد هي عملية بيولوجية معقدة بتظهر بسبب عوامل كتير ومن اسباب ظهور التجاعيد.

– الهرمونات وعملية التمثيل الغذائي.

– التعرض للضور باستمرار.

– الوراثة.

– الايض الخلوي.

– السموم.

– المواد الكيمائية.

– التلوث.

– الاشعاعات.

كل العوامل دي بتأدي لتغييرات تدريجية في في طبقات الجلد وبتظهر التجاعيد مع الوقت, وخصوصا مناطق الجلد اللي بتتعرض للشمس اكتر, وانخفاض الكولاجين اللي بيسبب ظهور التجاعيد خصوصا في الوجه ومنطقة حوالين العين.كريم بوتوكس طبيعي

ليه بنستخدم المكونات الطبيعية في العناية بالبشرة؟

الاساس من اي روتين طبيعي للعناية بالبشرة هو الحصول على بشرة صافية خالية من العيوب بشكل طبيعي وتجنب المواد الكيميائية السامة في المنتجات التجارية اللي بتتباع في المحلات, عشان كده هيكون الافضل انك تستخدمي المكونات والزيوت الطبيعية الخالية من المكونات السامة, واللي البشرة بتمتصها بشكل فعال وآمن وبتساعد على ترطيبها وعلاج التجاعيد.

والكريم اللي هنعرف طريقته النهاردة مع بعض هو افضل كريم بوتوكس طبيعي بيسمح للمغذيات والبروتينات اللي موجودة في الزيوت الاساسية زي زيت اللبان بتحفيز وتجديد الخلايا, زيت اللبان الدكر يعتبر قابض قوي جدا, وده معناه انه بيساعد على حماية خلايا الجلد, وتقدري تستخدميه بأمان جدا لعلاج عيوب حب الشباب, ومنع وعلاج التجاعيد, ومنع ظهور المسام الواسعة, وشد الجلد لابطاء عملية الشيخوخة, تعالوا نشوف مكونات الكريم وطريقته.كريم بوتوكس طبيعي

كريم بوتوكس طبيعي:

المكونات:

– 2 معلقة كبيرة زبدة الشيا.

– 2 معلقة كبيرة زيت جوز الهند.

– 2 معلقة كبيرة جل الالوفيرا.

– ½ معلقة صغيرة من فيتامين E.

– 10 نقط من زيت اللبان الدكر.

طريقة التحضير والاستخدام:

– اخلطي زبدة الشيا مع زيت جوز الهند وسيحيهم مع بعض على النار, وبعدين ارفعيهم وضيفي لهم باقي المكونات, وقلبيهم مع بعض كويس.

– حطي الخليط في برطمان زجاجي نضيف.

– ادهني منه على البشرة ومنطقة حوالين العين مرتين في اليوم مرة الصبح, ومرة بالليل قبل النوم.كريم بوتوكس طبيعي

طريقة هتخلصك من البقع السودا في 3 ايام بس..وازاي تمنعي ظهور البقع تاني

وصفة لعلاج البقع السودا

قد تقرأ أيضا